لسه بتسألي ..!! بقلم دكتور/ رفيق عفيفي
إنتي لسه بتسألي انا ليه بحبك
اسألي حسنك و طيبة قلبك
إسألي النسمة اللي بتعدي جنبك
إسألي اللي عدي يوم في دربك
إسألي فرحة عنية لما اكون بقربك
خليك دايماً جنبي قريب
اياك يوم عن عيني تغيب
يا توأم روحي و أغلي حبيب
أمسك فيك و انت اللي تسيب
تخلق حزن دموع و نحيب
أنا فتحت عنيه عليكي
روحي و قلبي ملك ايديكي
كله فداها الحلوة عنيكي
عايش بس عشان ارضيكي
باخد من عمري و بديكي
ده انتي هنايا و كل منايه
بتحيي كل شيء جوايه
أمل العُمر تعيشي معايه
أنا ليكي سلمت الراية
إنتي لوحدك بس كفاية
