الحلم العربي بقلم دكتور / رفيق عفيفي
طَلّع ورقة و قلمك و اكتِب
سَطر إدانة ياللا و اُشجُب
رَفَس جَعَر و كمان إندِب
داري الخيبَة عَنَا و إحجِب
دي شوية أوغاد و قَتَلَة
مَعدومي الأخلاق و سَفَلَة
قتلوا البطلة شيرين أبو عَقلَة
دَمَها سال علي أول قِبلَة
نسينا مين قتل الدُرَة
سيناريو اتكرر كذا مرة
فضيحة بالعربي مَعَرَة
ده إمتى ناخُد بيها عِبرَة
آه مِنُه المجتمع الدولي
علي طول خايب فيه أملي
لا هو داري بصَرَخاتي و عِلَلي
ده واكِسني و مشَتِت شَملي
إياك يوم من خيبتَك تنسى
لِساه برضُه أسير الأقصى
غَضَبي عَدى الحد الأقصى
عَدُوي أصبح أو أمسى
إخواتي في الوطن العربي
الفُرقَة حارقة لي فـ قلبي
ما نتوَحَد و نحقق أرَبي
مِش مَغربي أو يَمَني و حَلَبي
