الجمعة 29 مارس 2024 10:49 صـ 19 رمضان 1445 هـ
 أنباء اليوم المصرية
رئيس التحريرعلى الحوفي

(أنسـاك) بقلم دكتور/ رفيق عفيفي

دكتور/ رفيق عفيفي
دكتور/ رفيق عفيفي

جاي دلوقتي تقول لي أنساك

وانا اللي ضاع عمري في هواك

و ف كل دقيقة أتمناك

شهور و سنين أنا بستناك

أنا طير طاير فوق في سماك

ما انت عارف قدر غلاوتك

ياما اتغزلت أنا في حلاوتك

حبيت طيبتك ويا شقاوتك

أنا حامي العرش ف مملكتك

ليه دلوقتي تزيد في قساوتك

أنا حبيبك فووق يا غزال

و متسمعش كلام العزال

أوعى تصدق أي كلام يتقال

طول عمرنا فل و عال العال

عيش في حياتي و زيدها جمال

حلو الطبع كلامك زين

قول لي جمالك جايبه منين

أبدع رسمك رب العالمين

يصونك ليه قولوا آمين

يصونك من شر الحاسدين

صفي قلبك روق لحبيبك

أنت نصيبي و أنا نصيبك

تستر عيبي و استر عيبك

تفارقني روحي ولا أسيبك

لو تبعد الشوق حيجيبك

إنتي ليلى و أنا المجنون

إنتي بالنسبة لي الكون

و بسحر جمالك مفتون

أنا بدي نجيب المأذون المأذون

و نعمر بيتنا الميمون