رمضان مننا زعلان بقلم دكتور/ رفيق عفيفي
أهلاً و سهلاً يا رمضان
يا شهر الرحمة و الغفران
يا شهر ليلة القدر و القرآن
أنا قلبي عليك زعلاان
على أمة محمد قلقان
فين رمضان بتاع زماان
لساك عايش في الوجدان
الصحبة الحلوة و الخلان
فين الرعية و الرعيان
ما عدنا نحلم بالريان
ليه ده حصل ده قلبان
جسد الأمه ليه مرضان
إحنا في طريق اللهيان
يا فرحته فينا ابن الشيطان
دراما و خيبة و هيصة كمان
لهو فاضي و مش مليان
موسم ترفيهي و عدمان
طريق مش ولابد و خسران
فاتح للشر كل بيبان
خسارة ولادنا ف عصيان
حافظ صم تاريخ فنان
ما يعرف عُمَر ولا مين عثمان
في نهاره عطشان و جعان
يفطر و يلزق في الشاشة الألوان
يسهر للصبح العدمان
و يصحى آخر همدان
و يروح علي شغله نيمان
اصحي يا عم يقول فطسان
لاهي و ضايع مش فهمان
الصوم له آداب و ميزان
لو ما ظبته تكون خسران
دين ويا الدنيا كمان
عمرك ما حتحس أمان
خليك لنصيحتي سمعان
نضف قلبك و الشريان
خليه بحب الله عمران
سَمعَك لابتهال و آدان
حتكون صاحب أحلي كيان
و تنول رحمة م الرحمان
و مكانك جنة عدنان
