عيد الميلاد المجيد بقلم دكتور / رفيق عفيفي
لسابع أرض جذور تتمد
واصلة لحد جدود الجِد
بينا جسور حب بتتمد
عمر ما كان في بينا سَد
بنقضيها بين هزل و جَد
مسيحي و مسلم نِد بـ نِد
الوطن الواحد مالهوش حَد
كُلُه ليه مكان يتعَبَد
إسفين بينا مش و لا بُد
عمره ما فَرَق بينا بجَد
و دايماً سايد بينا الوِد
الإسفين علي صاحبة يرتَد
بوسة لاخويا على الخد
أنا احِبُه م الإيه لـ الزِد
عربي و افرنجي بيسِد
و سنين عِشرَة ما تتعَد
و أواصِر بينا ما تِتهَد
لآخر العُمر و أزيَد
نشكُرُه سبحان من أوجَد
عيسى و نبينا محمد
ع الصلاة و الصوم نِتوَحَد
