أشرف عبد الكريم يكتب: حال الدنيا

محدش فينا بقى راضي

لا بالقدر ولا المكتوب

محدش فينا بقى فاضي

يطبطب ع اللي بات مغلوب ..

وحجر الدنيا بينا داير

وحلم العمر راح طاير

بنتعلق في قشايا

ودايمآ بختنا مايل ..

ومن كتر الدموع والجرح

بنبكي في ساعات الفرح

وماشيا معانا بالمقلوب

وطعم السكر بيصبح ملح ..

وتوهنا ف سكة الأوهام

وفاكرين اننا بنمر

حسبنا العمر بالأيام

لقينا روحنا محلك سر .

ومين حاسس بقى بينا

وكل الخلق في همومها

مفيش غيره هيرضينا

وبكرة المايلة نعدلها ..

وندعي دعوتين م القلب

ونفتح صفحة بيضا بجد

يارب العرش ياخالق الكون

متحوجناش لأي حد ..