هلال العيد .. للشاعر - أشرف عبد الكريم

لو حاسة بقلبي وتنهيده

وغرامه اللي ماديدلك إيده

هتعيشي العمر في أحضانه

وكأنك بوست ف تغريده ..

بتكابري وبتعاندي معايا

شايفاني صورة في مرايا

مع ان مشاعرك جوايا

هي وريده ..

وازاي انا مش قادر اطولك

دة غرامك باين في عيونك

والضحكة اللي بتطلع منك

دي رسالة وواضحة على جبينك ..

وانا عن نفسي مش هنساكي

دنا عاشق ملهم بهواكي

مستني اللحظة اللي تجيني

وتحسي بقلبي اللي معاكي ..

ونقعد مع بعض ونتكلم

وعيونا هتسرح وتسلم

وان كان على قلبي اللي اتعلم

من بكرة هيطفي لهيبه ..

هيحب اكيد بس بعقله

ولا يمكن ينجر في حبه

ولا قلب هيقدر على ظلمه

ولا تعذيبه ..

وأكيد انتي هتسألي قلبك

لو دق بسرعة هيقولك

ويبوح بمشاعرك وبحبك

أصلي نصيبه ..

وساعتها هنعيش نتهنى

ونلاقي حياتنا بقت جنة

والكل بحبنا يتغنى

وهلالنا هايبان لنا عيده ..

................................

كل سنة وانتم طيبين