حتة مني

بقلم الشاعر / أشرف عبدالكريم
يابلدي ياحتة مني يامصر
يانور الدنيا في كل عصر
ولادك قاموا لنداكي
ده دمنا وروحنا فداكي
بنفرح لما نلقاكي
أميرة وداخلة أجمل قصر
يابلدي ياحتة مني يامصر
**********
كنيسة وجنبها جامع
وساقية حب ومصانع
وحارة وبيت بيجمعنا
وصرخة أم توجعنا
ومهما هتقسى أيامنا
لهتعيشي في عزة ونصر
يابلدي ياحتة مني يامصر
********
شهيدك صورة مرسومة
على جدارك في كل مكان
ونحلم نبقى في الصورة
جناين ورد في البستان
وكله يهون عشان بلدي
يامصر ياحتة من قلبي
يا غالية وكل شيئ عندي
يا أم الدنيا انتي يامصر
يابلدي ياحتة مني يامصر
********
على كتافك هموم شايلة
ومدة ايديكي للأوطان
بفستان الأمل ماشيا
وحالفة تكملي المشوار
وعهد الله مقويكي
ولما الكل حواليكي
بروحي ودمي أفديكي
ده في كتابك أيات النصر
يابلدي ياحتة مني يامصر
................................