أول همسه بقلم دكتور / رفيق عفيفي

عمري ما حنسي أول همسة
لسه ف إيدي أول لمسة
أحلي لمسه و أجمل نسمة

قلبي بحَبِك دق الدقة
هو يدوب في جمال الرِقة
عمره ما دق ل غيرك لأ

جوه العين و جمالك ساحر
يسحِر ييجي مليون ساحر
بنظرة صادت صياد ماهر

انا بالحب اسهر و بَدوب
أدوب من لمسه بس يا دوب
فاكرُه درب طلع لي دروب

حتي البال أصبح مشغول
ليل و نهار يصرخ و يقول
قول إسمها يا مااحلي القول

ايدي ف إيدها ياللا نشد
مع خطاويها الحلوة نمد
أيامنا الحلوة ما تتعد

أول مرة أدوق السكر
أحلي منه بكتير أكتر
حته مِنُه و ممكن أسكر

آه يا اخواتي م الحلوة عنيه
عالم تاني يا سيدنا البيه
ما هي تدبح و الحق عليه

أنفاسها دي أحلي م العطر
م الأشعار تكتب ميت سطر
مغرم بيكي لآخر شطر

انا م الحب يا روحي بَموت
حِن عليَه و النبي فوت
م الفرحة راح اقول توت توت