محمود زيطه ووالده الحاج سيد يجذبان انتباه المتابعين بمحتواهما الكوميدي المميز
محمود سيد الشهير بـ محمود زيطة الإبن الأهلاوي والحاج سيد الأب الزملكاوي معروفين دايماً إن هما مختلفين في الآراء عن بعض، الإبن أهلاوي والأب زملكاوي ومعروف محمود بـ الإستفزاز المستمر لوالده وانه ازاي يعصب أبوه وأبوه معروف ب إنه دايماً رد فعله سريع بـ الضرب في محمود وكمان محمود بيعمل فيه مقالب كتير،
لما محمود اتسأل قبل كده إنت إزاي اهلاوي وأبوك زملكاوي إزاي لأن معروف إن دايماً الابن بيكون زي الاب وبتكون وراثة، رد محمود كان قوي وقال إن دايماً الأب بيحب إبنه يطلع أحسن منه.
ومعروف إن الحاج سيد دايماً بيضرب محمود وفي أحد الماتشات بين الأهلي والزمالك بعد الماتش محمود اتطرد من البيت بسبب إنه بيستفز أبوه بـ الكلام ولما اتسأل محمود عن آخر لقاء قمة بين الأهلي والزمالك ليه منزلتش فيديو قال: إن أبوه رفض بسبب النتيجه 4/1 وحلف عليا إني مش هنزل الفيديو من كُتر منا عصبته وقال لو نزلته هكسرلك التلفون بتاعك.
يقول محمود: "الفكرة جت إن دايماً احنا كُنا كدا بس مكانش بيجي ف دماغي إني أصور حاجة مثلاً أو كدة، بس ف مره ساعة ماتش 5/3 للاهلي جت ضربة جزاء للأهلي ف ال٢١ وكان واحد صفر للاهلي ف اديت التلفون ل اخويا قولتلوا صور دي عشان ع اساس اني ابعتها ل اهلي يضحكو معانا وكدا ف جروب العيله يعني وب الصدفه قولت أنزله ع الاكونت عندي ونمت صحيت لاقيت الفيديو متخطي ملاين المشاهدات وناس كتير شيرو الفيديو وعجبهم جدا المحتوى ف من ساعتها كل الناس بقت تطالب اننا نصور ع اي ماتش أهلي او زمالك ومن وقتها ونا بقيت اي ماتش اصور عليه غير مقالب تانيه كتير بعملها فيه بقى"
