تعرف علي خطوات وانواع تحليل المخدرات

كتب/ رفعت خلف

تتجه الدوله حاليا الي القضاء علي المخدرات ومحاربتها في كل مكان من خلال التحليل وإنتشار اجهزه الكشف علي متعاطي المخدرات في الطرق السريعه والاجهزه الاداريه بالدوله وعلي كل من يتقدم لوظيفه او اي عمل يخص التعامل مع الجماهير ..

واليك عزيزي القارئ انواع التحليل واشكالها .

التحليل ممكن يتعمل عن طريق الدم او البول او الشعر
خلينا نقول ان المشهور هو عن طريق البول ودا الأسرع واللى ممكن يتعملك وانت ماشى فى الشارع ..
بيتم عن طريق كارت تحليل مخدرات (زى كدا اختبار الحمل)
Drug Of Abuse (DOA) Test or Multi-Drug Test
الكروت دى انواع ممكن تكون 4 او 5 او 6
المشهور هو الكارت ال 5 اللى بيكشف على 5 انواع من المخدرات
ال 5 انواع بيختلفوا على حسب اختيارك انت للكارت اللى هتستخدمة.. خلينا نقول كمثال لكارت ABON واللى مشهور حاليا واللى بيكشف عن الآتي

1) الترامادول Tramadol >> يختصر TRA

2) المواد الأفيونية (الهرويين والمورفين والكودايين ودا اختصارة ال MOP)

3) الكشف عن الحشيش والماريجوانا والبانجو ودى بتكشف عن مادة Tetrahydrocannabinol

4) الكشف عن المواد المنشطة الأمفيتامين والكبتاجون والميث وتختصر AMP

5) الكشف عن الكوكايين ويرمز لها بالإختصار COC

فى النهاية النتيجة اللى فى الصورة لشخص كان باخد ترامادول وحشيش او بانجو او ماريجوانا خلال الاسبوع الماضى
---------------
هناك كروت خماسية اخرى ممكن تكشف عن مواد مهدئة زى Benzodiazepines ويرمز لها BZD

نخلى بالنا ان اى دواء يحتوى على مواد Benzodiazepines هيدينا ايجابي فى التحليل
وفى ادوية للقولون العصبي مخصصة لمرضى القولون اللى بيتأثروا بالقلق والتوتر زى ليبراكس او كولوفيرين A

التحليل بيتم عن طريق عينة بول بيتم اخذها فى حضور احد افراد الأمن ..
وبيظهر سريعا النتيجة ..
اللى عايز يسأل عن طريقة لتفادى التحليل

الحل الوحيد واللى هتحمي بيه نفسك هو ان حضرتك تبطل اي نوع مخدرات ..
لان وجودة فى البول بيختلف على حسب نوع المخدر
فيه اللى بيقعد 6 ايام وفى اللي بيقعد اكثر من 10 ايام ..
انك تاخد حقن لازكس او تاخد حبوب منع حمل او تشرب خل او تشرب ماء كثير كل دى طرق وهمية ولا تؤثر على تركيز المخدر بشكل ملحوظ
والشرايط حساسة انها تبيين المخدر فى البول ..

مفيش حل غير انك تاخد الموضوع بجدية وتبطل مخدرات دا أحسن لك يعني : D