ملك رمضان تكتب: ”أولى مراحل الحب”
قبل ما تبدأ حياة جديدة مع شخص وتبتدي تسحله معاك في حياتك وتفاصيلها، المفروض تكون عارف شكل حياته من برا هل هيتوافق معاك ولالا ..!؟
أغلب العلاقات اللي فشلت كانت سواء إدراك مننا لحياة شريك حياتنا قبل ما نكمل معاه ونهايتها بتكون محتوم عليها وهي الفراق.
لازم قبل ما نرتبط نبص لكام نقطة في شريك حياتنا:
1:هل الشكل واللبس والطبع دول يناسبوك
2: هل نفس كمية الدماغ ولا مختلفة وشديدة البعد عنك.
ولازم تكون متاكد وعارف أن مفيش شخص فينا يقدر يغير طبع شخص تاني ولو اتغير بيكون تغير فترة قليلة نفس مدة الانبهار الاول بالظبط وهتبق عاملة زي اللبانة اللي بتندغها روتين بس خلص منها السكر وكل حاجة بترجع تاني بمجرد ضمان الشخص التاني انك في حياته وأنت بس اللي هتكون النادم الوحيد، والمسائلة كلها بتكون مجرد وقت قصير وينتهي وبيرحع نفس الشخص لطباعه، محدش فينا بيتجوز المراكز ولا شكل الناس ولا جامعتهم الواو لأنها مش حياة انستجرام وكام صورة دا حد هتكمل معاه حياتك، الشخص العاقل في الحب هو اللي مدرك تماما أن في الاخر كلنا بندور علي نفس الشخص المريح الهادي اللي بيستقبل أخطائك كلها بطيب نفس وكأنه مش شايفها أصلا ويقدر يطمنك ان بكرا خير ، كلنا نقدر نحب ونتحب ونعمل أكتر من قصة حب واحدة ونكون أسعد ناس مع الشخص اللي اختارنا نكمل معاه، كل ما في الأمر أنك تدور علي الأنسب والاريح لعقلك قبل قلبك"
