الجمعة 29 مارس 2024 03:32 صـ 19 رمضان 1445 هـ
 أنباء اليوم المصرية
رئيس التحريرعلى الحوفي

كله بايع

مش بعيد لما تشوفني
تقول ده كان صاحبي ف يوم
واما ييجي وشك في وشي بالدموع تبكي العيون ..

تفتكر ماضي انت بعته
والندم هتجيب في سيرته
عيش وملح معايا خونته
وبالندالة إبتديت ..

كنت أغلى حد ليا
كنت اخويا ونور عنيا
كنت كل الدنيا ديا
بس ياخسارة انتهيت ..

ياما شيلت وراك بلاوي
انت تجرح وانا أداوي
كنت زي شيطان مخاوي
ياما على غدرك داريت ..

بكرة جاي بجرح يوجع
سكة اللي يروح ما يرجع
في النهاية الكل ودع
انت بعت وانا اشتريت ..

ألف 100 مليون ندامة
ع الصحاب وعلى الأمانة
يالله روح ومع السلامة
كنت صفحة وانطويت ..

كله بايع كله راضي
ناسي ربه وقلبه فاضي
إمتى يسمع للمنادي
وف صلاته يقول نويت ..

يالله حي على الفلاح
اصحى وقت الفجر لاح
اقرا أذكار الصباح
قبل ما تقول يوم ياريت ..