درج يستغيث بالسيد الر ئيس 

السيد الرئيس عبد الفتاح السيسي رئيس الجمهورية

• في سنة 2016 شباب من محافظة الشرقية قرروا أنهم يعملوا مبادرة للقضاء على ظاهرة المشردين في مصر ..

قولنا نشتغل في إطار القانون !

• اشتغلنا في إطار القانون ، وبدأنا نجمع المشردين على مستوى الجمهورية والمصريين يساعدوا ويدعموا والشباب تشتغل ، وبأمانة ربنا لاقينا دعم من كل الجهات مفيش بني آدم قصر ..

• عملنا مؤتمر وخلال المؤتمر طلع مستشار المحافظ الحالي اللي وقتها كان سكرتير عام المحافظه " اللواء السعيد عبد المعطي " وقال قدام الناس بالنص جيبوا أي أرض حتى لو زراعيه واحنا هنوافق عليها وتبنوها ..

من هنا بدأنا ناخد خطوات !

• قولنا مينفعش نكون بنعمل خير ونروح نتعدى على أرض زراعية ، ولو روحنا نشتري مباني هتبقى مكلفه ، مسكنا العصايه من النص ، واشترينا أرض مبوره وبجوارها مدرسة أبنية تعليمية لسه هيتم افتتاحها ومتوافق عليها ..

وبعدين !

• بدأ الناس تتبرع ونشتري وكتبنا عقد والمحافظ السابق " اللواء خالد سعيد " بدأ ياخد إجراءات وطلع قرار بالتبرع بمليون جنيه ، ولما حصل حركة المحافظين وهو مشي مفروض إجراءات الارض ماشيه ومفروض إجراءات التبرع ماشيه ..

نتفاجئ !

• المستشار المالي " الأستاذ جمال عبدالعاطي " قالنا التبرع مشروط بالبدأ في البناء قولنا ماشي

• شويه بعد اللجان من كل الجهات حتى وزارة الزراعة قالت إن يتعرض مذكرة على السيد المحافظ لإبداء رأيه حيال هذا الموضوع ..

• يا جماعه عاوزين رأي السيد المحافظ ، يا جماعه الأماكن اللي الناس عايشه فيها مؤجره ، طب عاوزين معاد مع السيد المحافظ ، طب حد يرد على تليفوناتنا ، طب حد يعبرنا ويقولنا نحلها ازاي ده مشروع نفع عام ولخدمة الناس دي ، وخلصنا رسومات الأرض وكل حاجه جاهزة ..ولا حد بيعبرنا !