أنباء اليوم
الثلاثاء 8 يوليو 2025 08:46 صـ 12 محرّم 1447 هـ
 أنباء اليوم
رئيس التحريرعلى الحوفي
المصرية للاتصالات: جاري السيطرة على حريق سنترال رمسيس بمعاونة رجال الدفاع المدني محافظ القاهرة يتابع عمليات إطفاء الحريق الذى نشب في مبنى سنترال رمسيس كشف ملابسات مقطع فيديو القيام بحركات استعراضية بالسيارات بالدقهلية عاجل .. إندلاع حريق داخل سنترال رمسيس والحماية المدنية تحاول السيطرة على النيران ضبط سائق نقل لقيامه بالسير برعونة وتعطيل المرور بطريق الواحات بالجيزة محافظ كفرالشيخ يتفقد سوق «اليوم الواحد» بالحامول لتوفير السلع الغذائية والاستهلاكية الداخلية:ضبط قائد سيارة ربع نقل لقيامه بالسير عكس الاتجاه بالطريق الدولي دعم وتمكين لمرضى الإكزيما في المنطقة جمجوم فارما والجمعية الإماراتية يطلقان مبادرة ”ECZPLORE”: المجلس الثقافي البريطاني يجمع وفودا من مصر وتونس والسعودية في كارديف ضمن فعاليات الحوار المعمق القلعة الحمراء تمنح أعضاء الأهلي عرض خاص لتخليد أسمائهم على جدران الاستاد محافظ أسوان ورئيس الهيئة العامة للرعاية الصحية يتفقدان مشروع تطوير مستشفى أسوان محافظ أسوان ورئيس الهيئة العامة للرعاية الصحية يتابعان منظومة التأمين الصحى الشامل

زي ما انتي !! للشاعر أحمد حسن عمر

الشاعر أحمد حسن عمر
الشاعر أحمد حسن عمر

انتي فاكرة لو بعدتي

عن عيونى تبقى غيبتى

و لا فاكرة مهما غيبتي

ممكن انسى إنك حبيبتى

لأ.. حبيبتى

لسه حبك جوه مني ..!!

ولسه انتى زي ما انتي

.

انتي فاكره.... لو بعدتي

تنتهي بينا الحكاية

دا انتي لسه وذكرياتك

ليل نهار عايشين معايا

اختفيتى قصادى يمكن

بس جوه القلب بنتي

.

انسى بس إزاى قوليلي ؟

وانتى عايشة بين عيونى

وأما احاول مره انسي

الف حاجة...... يفكروني

َمش راح انسى

ومش راح اقدر

و انسى انتى لو قدرتى

.

ايوه ممكن انى انسى

بس حانسى روحي فيكى

و أما افكر اني ابعد

بعدي ح يقربني ليكى!!

هو ايه ف الدنيا تاني

بعد منك يبقى حيلتى

.

لسه فاكر كل لمسة

وكل همسة بين قلوبنا

لسه فاكر كل نظرة

وكل كلمة فيها دوبنا

لسه فاكر احلى مينا

كات بتحضن يوم سفينتى

لسه برضه زي ما انتى

....