إبنة سعيد صالح ترد على تصريحات آمال رمزى المسيئة لوالدها
ردت هند ابنة الفنان الراحل سعيد صالح على تصريحات الفنانة آمال رمزي، عن الراحل سعيد صالح بعد أن وصفته بأنه كان يتلفظ بألفاظ غير مقبولة في مزاحه مع زملائه.
فكتبت ابنة سعيد صالح منشورا عبر حسابها الشخصي بموقع التواصل الاجتماعي فيس بوك قالت فيه: يا مدام آمال كلام حضرتك عن بابا وبطريقة غير مباشرة عن أمي ما بيعكسش غير طريقة تفكير ونمط أخلاقي بيقيس بالممتلكات مين عنده كام ومين اشترى إيه ومين ابن مين.. ما شاء الله ولا قوة إلا بالله ربنا يباركله فيما رزق.
وأضافت ابنة سعيد صالح: أنا بحمد ربنا إني بنت راجل محبوب من جمهور أغلبه ما شافوش وجها لوجه ولا حتى عاصروه.. وكل اللي بينهم وبينه ضحكة رسمها على وشوشهم في يوم من الأيام، الجمهور ده ردها لبابا في ردهم على حضرتك.. بشكرهم من كل قلبي وإن شاء الله يكون ربنا سخرهم للدعاء لبابا هما ردوا غيبة متوفى قبل ما يردوا غيبة فنان بيحبوه.. بس أنا لسة ما ردتش
ويأتي ذلك بعد أن قالت الفنانة آمال رمزي خلال تصريحات تليفزيونية لها إن الفنان سعيد صالح كان يتلفظ بألفاظ غير مقبولة في مزاحه مع زملائه.
معقبة: سعيد صالح كان بيقول ألفاظ مينفعش تتقال قدام ستات محترمات وهزاره مش حلو عكس عادل إمام محترم وذوق جدا واتجوز من ست محترمه وما شاء الله عنده 4 فيلل.. شتان بين ده وده.. عادل إمام كان بيشتغل بجد لكن سعيد صالح كان بيروح يسهر ويكركر مع أنه كوميديان كبير.
