محمود سعد يكشف آخر تطورات الحالة الصحية لـ أنغام .. ويطمئن جمهورها

طمأن الإعلامي المصري محمود سعد، عبر حسابه على فيسبوك، محبي الفنانة أنغام بشأن حالتها الصحية.

وقال سعد لمحبي انغام الكتير قوي.. قوي قوي..

هاقولكم احدث الاخبار مساء السبت من ميونخ..

كنت منتظر نتائج التحاليل زي ما قلتلكم في اخر خبر كتبته عن انغام..

الحمد لله الأرقام تقترب جدا من الأرقام الطبيعية.. ونصح الأطباء انغام بالمشي خارج غرفتها.. وهي الحمد لله بتاكل بشكل طبيعي..

الكلام عن وجود خراج على البنكرياس غير صحيح اطلاقا.. ولم يحدث أي خطأ طبي في العملية.. والمضاعفات اللي حصلت هي المضاعفات اللي ممكن تحصل في النوع ده من الجراحات الكبيرة والخطيرة..

وزي ما قلتلكم انغام اختارت المستشفى دي لانها متخصصة في الجراحات الخاصة بالبنكرياس..

كمان انغام لم تخضع ل ٣ عمليات جراحية زي ما اشيع..

واخيرا بالنسبة للألم الحمد لله دلوقتي في تراجع .

عايز اقولكم ان المحنة اللي مرت بيها انغام كشفت عن حالة حب حقيقية في منتهى القوة والصدق.. وهي تستحق ده..

انا اعرف انغام من سنين طويلة وعارف هي تعبت وشقيت قد ايه علشان توصل للي هي فيه.. فحبكم الصادق جدا هو لفنانة صادقة جدا.. وتستحقه..

دعواتكم بقى علشان تقوم بالسلامة وتعبر رحلة الألم والحب..