قلب العاشق

الشاعر- اشرف عبد الكريم

أنا قلبي جامد زي الصخر

بس لما يدق حنين

عمر آلحب ما كان بالأمر

وان جه غيره بقوله يحنن ..

نظرة في كلمة ثم ميعاد

فجأة اثنين بيكونوا احباب

واللي عنيه بتذوغ ع التاني

مابيدخلش البيت م الباب ..

أصل آلحب أكيد له ناسه

وقت الشدة يكونوا حراسه

وان كان قلبك حب بجد

تلقاك ماشي ورا إحساسه ..

مليون صدمة يشوفها العاشق

رغم الجرح عمره ما فارق

وبيتمنى الخير لحبيبه

ودا معروف بالحب الصادق ..

ييجي بفرحه وألمه وجرحه

ييجي ولازم ندفع تمنه

حد بينسى الحب الأول

أجمل حاجة عرفها في عمره ..

كل حكاية وليها نهاية

ف اللي يكمل نص دينه

واللي واخدها وسيلة مش غاية

يفضل بيمرجح في حبيبه ..

مش هتكلم تاني عليه

كل واحد فيه مكفيه

اصل الحب دي نار بتشعلل

ورغم عذابه عايشين بيه ..

كل التفاعلات:

١Anbaa Al Youm