الفسيخ البيتى

المكونات

كيلو بورى عدد ٣ ، ملح ، شطه ، بودرة زعفران

الطريقه

بغسله كويس جدا جدا من الخياشيم...... وبعدين احطه واقف بس راسه لتحت علشان ينزل اى دم موجود فيه.....

وعمل خلطه عباره عن ملح وشطه وبودرة زعفران .....وبعدين اجيب البورى واحط في الخياشيم بتاعته مناديل مطبخ علشان اتاكد انها نشفت خاالص ..... وبعدين احشي الخياشيم من الخلطه .......وبعدين الف كل سمكه في استرتش وبعد مااخلص لف احطهم كلهم في كيس واقفاه كويس جوه كيس تاني واقفل كويس جوة كيس تالت واقفل كويس وبعدين الف اخر كيس باسترتش واحطه في مكان مقفول عليه ......وبعد ٣ ايام اقلب الكيس ...وبعد ٣ ايام تانين اقلب الكيس تاني.... وبعد ١٢ يوم بالظبط فتحت عليه كان استوي وزي الفل ..........

تكات لنجاح الفسيخ

١/البورى يكون طازه وقت ماتشتريه...

٢/ الشطه وبودرة الزعفران علشان يحافظو علي السمكه ويديها لون وممكن تستغني عنهم براحتك ....

٣/قبل ماتحشي السمك بالملح بصوابعك واتكي علي سلسه الضهر لان الخطوة دي اللي بتخلي السمكه تستوي بسرعه ويبقي لحمها سايح .....

٤/قبل ماتلفي في استرتش او لفه بعد ماتحشي الخلطه حطي معلقه زيت علي السمكه من بره .....