الأحد 4 ديسمبر 2022 11:15 صـ 11 جمادى أول 1444 هـ
 أنباء اليوم المصرية
رئيس التحريرعلى الحوفي

سبحان الله كلمات - أحمد حسن عمر

صورة تعبيرية
صورة تعبيرية

ماشاء الله

والله اكبر

والله على العين لما بتدي

للقلب حياه

والله الله

ع البسمه اللي بتسعد روحي

فتشيل الاه

ع الخد اللي بيشبه وردة

ويزيد ف حلاه

سبحان الله

اداكي العطر اللي ف خدك

واداكي نداه

الله الله

على قلبي اللي مجرد قربك

بقى كل مناه

علي جرحي اللي يادوب

من نظرة

بيلاقي دواه

سبحان الله

قلبك بيدق فاشوف قلبي

بيغني معاه

عاشق كان يائس م الدنيا

فلاقاكي نجاه

سبحان الله

لوحة ومرسومة ومتحير

مين شافك لو صدفه ف مره

وماعشقش وتاه

كان نفسي اوصفلك احساسي

واقولك رمشك كان قاسي

بيعدي ويسحر حراسي

ويخش الجسم و يتحكم

ويعدي مداه

ويطلع ف لسانه يغيظني

ماهو قلبي فتح له

بدون اذني

فعاتبته جاوبني واتأسف

قال لبى نداه

علشان كان عايش وبيحلم

وبيستناه

سبحان الله

......

أحمد حسن عمر

٢٢٠٢/١١/٢٣