مصر بلدنا

كلمات - أحمد حسن عمر

لو بتحب ف مصر حقيقي

عمرك يوم ما تخرب فيها

انت ابنها شارب من نيلها

قوم غنيلها قوام واحميها

اوعى ف مرة تقل قيمتها

انت كرامتك من كرامتها

مصر حبيبة واغلى حبيبة

لو تتبغدد يوم براحتها

و اللي يفكر و يكدرها

اعرف انه من أشرارها

و أما يولع نار الفتنة

انت بنفسك قوم واطفيها

فكر وانا وياك راح افكر

ايه ح يفيدك لما تكسر

دا احنا هتفنا (الله اكبر)

لما هزمنا ف يوم اعاديها

انا وياك راح نفدي ترابها

وكفاية شربة نيل نشربها

دعوة غريبة و مستغربها

مين جاله قلب عشان يعاديها

ايوة ساعات بتضيق الحالة

و ناس عطلانه ومش شغاله

بس انا وطني وعندي رساله

فترة وصعبة وح نعديها

......

أحمد حسن عمر

2022/11/11