الخميس 28 مارس 2024 09:51 مـ 18 رمضان 1445 هـ
 أنباء اليوم المصرية
رئيس التحريرعلى الحوفي

منكم لـلَّه كلمات - الشاعر / أحمد حسن عمر

منكم لله
منكم لله

والله بجد بدون حلفان

منكم لله

القلب الطيب كان انسان

ومعاكم تاه

ولا قادر يدخل حواريكم

ولا عارف يكدب زييكم

ما لقاش ولا حاجة ف وسطيكم

م اللي اتمناه

منكم لله

خليتوا العين اللي بتضحك

يملاها دموع

خليتوا القلب اللى عشقكم

بيبات موجوع

والعمر سنينه تضيع منا

ونضيع وياه

عايشين علشان نسعد فيكم

وبنخفى جراحنا ونرضيكم

وبنزرع عطف ف اراضيكم

فبيطرح آه

منكم لله

علي كام سنه ضاعت من ايدنا

واثقين فيكم

علي كام سنه وطيتوا رصيدنا

وبنعليكم

علي كام سنه ضحينا بعيدنا

ولا يكفيكم

فكرنا الصدق اللي يفيدنا

فغرقنا معاه

منكم لله

ضحكتكم صفرا بتخدعنا

ومليانه شباك

بنقول جنتكم ح تساعنا

نلاقيها هلاك

و نفكر ف اللي بيوجعنا

ح يجود بدواه

منكم لله

تفكيركم بس في مصالحكم

وكتير امثال

وان جينا نجرب أحاسيسكم

بنشوف تمثال

ولا حاسس بينا ولا دموعنا

ولا عنده حياه

منكم لله

ضيعتوا الحلم المتزوق

اللي حلمناه

منكم لله

منكم لله

.......

2022/1/22

موضوعات متعلقة