حكايتي معاها للشاعر / أشرف عبد الكريم 

أنا بنت إسكندرية

حلوة ومدلعة ..

بيقولو الناس عليا

بجمالها مولعة ..

لو بس يروحوا ليها

ويشوفوا جمال عنيها

هيغنوا معايا ليها

ويدوبو في حبها ..

ياسكندرية أنا عشقاكي

وعاشقة بحرك وهواكي

أيووه بحبك من قلبي

وبحب رملك وسماكي ..

في عنيا الموجة باينة

وهواكي نسايمه طايرة

وف بحرك أحلى ميه

وخداني في حضنها ..

ووقفتي في التراسينا

شايفة المراكب في المينا

واحنا على كوبري استانلي

والنور منور حوالينا ..

ماشيا على شط ميامي

ع الرمل نكتب في أسامي

وقعدتي على بير مسعود

وذكريات بتعود تاني ..

وعن بيلاج المعمورة

البومي فيه مليون صورة

ولما بنزل في العجمي

بشوف هناك ناس مشهورة ..

وذكرياتنا في طفولتنا

حدوته كبرت في حارتنا

وهي دي حكايتي معاها

بنت جميلة وعشقاها

..... بنت اسكندرية ......