نفسي اقولك (خواطر) بقلم - فاطمة عبدالواسع

نفسي اقولك حاجات كتير .

عاوزه اترجمها للغات كتير .

كنت صايمة صيام سنين .

بدايته معروفة لكن فطاره بعيد.

مكان غريب كنت فيه تايهة .

دخلت فيه ومش عارفة له طريق.

كنت خايفه وخوفي كل يوم بيزيد.

قلبي كان مات والقريب منه بعيد .

والحياه كانت مرة مفهاش جديد .

والأمان كأنه لي عنوان كتاب.

اقراه لكن فهم معناه مستحيل .

ومتلخبطه والشك مسيطر وقاتل

كل الاحلام الجاية .

جيت رتبتها و كتبت بدايتها .

واحلي مافيها إنك تفاصيلها.