الخميس 28 مارس 2024 12:16 مـ 18 رمضان 1445 هـ
 أنباء اليوم المصرية
رئيس التحريرعلى الحوفي

الحمام المحشي بالفريك المفلفل

صورة تعبيرية
صورة تعبيرية

إعداد -زينب عبد العزيز

المكونات

2جوز حمام

بصلة كبيرة مفرومة

ربع كيلو فريك مغسول ومنقوع 1/2ساعة

رشة قرفة

رشة من بهارات السبعة

ملح

فلفل اسود

كبد وقوانص مقطعة صغيرة

مكعب مرق

ربع كوب ماء

طريقة التحضير

1- بعد ما نضفت الحمام وغسلتة ونقعتة 10دقايق في مية وملح وليمون أصفية من اي مية وكمان ناخد بالنا واحنا بنغسلة من عند الرقبة ميتخرمش عشان نعرف نحشية .

2- علي النار في طاسة انزل بمعلقة سمنة تسخن اوي انزل البصلة واشوحها وانزل بالكبد والقوانص المتقطعة صغيرة واقلبهم وانزل بالفلفل والبهارات سبعة واقلبهم اول مالكبد والقوانص تدخل في السوا والبصلة تاخد لون انزل الفريك واشوحة مع البصل لغاية مالفريك يتشوح معاهم وانزل بنص كوباية ماية مغلية مكعب المرقة واضبط الملح واهدي النار يستوا نص سوا .

4- ملحوظة الفريك (يكون متصفي من اي مية خالص).

5- هاتي الحمام افصلي الجلد عن اللحم براحة خالص وابتدي احشي من عند فتحة الزور ونزلي لتحت ومتحاوليش تمليها اوي عشان متفرقعش لما ييجي الفريك ينفش يلاقي مساحة واحشي البطن وكتفية.

6- هاتي مية سخنة بتغلي في حلة حطي بصلة متقطعة وحبهان وورق لورا وملح وفلفل اسود ونزلي فيها الحمام على ضهرة واول ماتغلي الماية هدي النار وغطي وسبيها لمده ساعة بعد ساعة اختبري سوا الحمام امسكي الجناح براحة لو نزل لتحت يبقي استوي طلعية وصفية من الشوربة وطلعية حمرية في زيت يتحمر ويكون لونة دهبي و ممكن تدهنية سمنة وتدخلية الفرن ياخد لون .

7- وبالف هنا قدمية مع الرز بالخلطة وطبق ملوخية خضراء.