حوار خاص مع ” دنيا سامي” التي لها موهبة رائعة في العزف علي ” الطبلة ” و الممثلة الشابة الصاعدة التي تميزت في دور ” رضا ” في مسلسل ” عوالم خفية ” .

س : في البداية عرفينا بنفسك ؟؟ 
ج : دنيا سامي ، ٢٣ سنة ، بدرس في معهد عالي فنون مسرحيه قسم تمثيل وإخراج ، مواليد القاهرة ومقيمه في القاهرة .
س : لو الزمن رجع بيكي لورا أيه الحاجة إللي هتعمليها وأيه الحاجة إللي مش هتعمليها ؟؟
ج : لو رجع بيا الزمن الحاجات اللي هبقا عايزة أعملها إن أنا من وأنا صغيرة أتعلم لأن أنا بدأت من ١٦ ، ١٧ سنة لو رجع بيا الزمن يبقا نفسي من وأنا صغيرة عشان لما أوصل لسن ده أبقا في حته تانيه ، إللي معملوش بقا مفيش حاجة كل إللي فات تجارب أستفدت منها مفيش حاجة يعني مضايقة منها .

س : هل أهلك كانوا موافقين علي شغلك ؟؟
ج : أهلي كانوا موافقين أه محدش إعترض علي أي حاجة موافقين علي طبلة وعلي التمثيل وبيشجعوني .
س : أي ردود أفعال الناس علي نجاحك ؟؟
ج : ردود أفعال الناس في الطبلة وتمثيل .
في طبلة : كان في هجوم أن بنت بتطبل ومش عارف أي بعد كدة تمام تقبلوا الفكرة وبقيت في بنات كمان بتعمل كده .
في التمثيل : الحاجة إللي عملتها وكانت ظهرة أوي مسلسل " عوالم خفية " ردود الأفعال الحمد لله كانت 90% مش هقول كلها لأن أكيد في ناس أنا معجبتهاش بس أنا مشوفتش ده أنا كل اللي شوفته أراء أجابيه أنه دور كان كويس وقريب من الناس وقريب من الشعب يعني المصري .

س : أي خطواتك الجاية في التمثيل ؟؟ 
ج : لو جالي حاجة هبقي إنشاء الله هبقا عايزة أمثلها أكيد بروح مقابلات يعني وعادي وساعات ناس بترشحني في حاجات عادي نوع من أنواع السعي يعني .
س : أحكيلنا أكتر عن شغلك ؟؟
ج : بدأت موضوع التمثيل من 6 سنين دخلت المعهد من أربع سنين وبدرس حالياً المفروض أبقي في سنه رابعة يعني بس أنا لسه ف سنة ٣ مريحه شوية في المعهد ، من أول ما بدأت الطبلة وبعدين مثلت ؛ سافرت عملت عروض بره مصر وعملت عروض في مصر .

س : أي أخر عروضك المسرحية ؟؟ 
ج : أخر عرض ليا مسرحي كان عرض " دراما شحاتين" دخلنا بيه المهرجان القومي للمسرح أخدنا بيه جوائز گان هو العرض اللي أخدت أول ممثلة صاعدة .
بشكرك جدا يا دنيا علي الحوار الممتع ده وبتوفيق دايما ❤