حوار خاص مع ”هدير سمير” الممثلة الشابة المبدعة فـي تقديم فنون مسرحية وإعلانات وأدوارها في المسلسلات .

س : في البداية عرفينا بنفسك ؟؟
ج : هدير سمير ، سني 21 سنة ، بدرس في معهد فنون مسرحية أشتغلت فـي عوالم خفية و الوتر و بالحجم العائلي ووكلينها ولعة وأعلانات ومسرح ، إتولدت فالمعادي وعايشة فالمعادي .

س : أيه أكتر موقف أثر عليكي في حياتك ؟؟
ج : أكتر موقف مؤثر هو موت أبويا .

س : لو الزمن رجع بيكي أيه الحاجة اللي هتعمليها وأيه الحاجة اللي مش هتعمليها ؟؟
ج : لو رجع الزمن بيا لوراء مكنتش ضيعت 3 سنين فـ حقوق أنجلش القاهرة و كنت هدخل فنون مسرحية أول ما أخلص ثانوية عامة .

س : هل أهلك كانوا موافقين علي شغلك ؟؟
ج : فالاول أبويا كان بيشجعني وماما كانت رافضه تماما لحد مابالوقت أقنعتها ودلوقتي هي اللي بتشجعني فالاول الناس اللي حواليا سواء صحابي أو أهلي مكانوش متخيلين اني ممكن أوصل لحاجة لحد ما بدأو يشوفو شغلي بيتعرض وكانوا فرحانين جدا وبيشجعوني .

س : هل شغلك ليه هدف فـ حياتك ؟؟
ج : أكيد أي حاجة بشتغلها ليها هدف ورسالة علي حسب كل عمل وخطواتي اللي جاية أني بسعي وأن شاء الله تشوفوني فـ حاجة مشرفة فـ 2019 .

س : أيه النصيحة اللي تحبي تقوليها لكل بنت نفسها تشتغل في المجال ده ؟؟ 
ج : نصيحة لكل بنت بنفسها تشتغل فـالمجال ده اسعي كتير و روحي أوديشن وأشتغلي مسرح وخشي المعهد وحاولي مرة وأتنين وتلاتة ومتعتمديش علي أي حاجة غير موهبتك .

س : أحكيلنا أكتر عن شغلك ؟؟
ج : أنا في فالاول كنت بمثل مسرح وأنا فالمدرسة بعدها قدمت فالمعهد ومتقبلتش وساعتها طبعا كنت حزينا جدا بس بدأت اشتغل فـ مسرح الهواه واتعلمت حاجات كتير جدا بعدها أشتغلت أعلانات وعملت مسلسل وكلينها ولعة وبعدها بفترة عملت عرض علي مسرح الدوله و قدمت فالمعهد تاني واتقبلت وبعدها أشتغلت فـ بالحجم العائلي و عوالم خفية والأيام دي بسعي لشغل فـ 2019 .

بشكرك جدا يا هدير علي الحوار الممتع ده وبنتمنالك التوفيق دايما أن شاء الله وأنك تحققي كل أحلامك ❤