”عايزة أموت وربنا راضي عني”..الفنانة زيزي عادل تعلن اعتزالها الغناء

قررت الفنانة زيزي عادل اعتزال الغناء، ونشرت مقطع فيديو عبر حسابها بموقع "إنستجرام"، قالت فيه: "أنا طالعة أقول خبر مهم جدا أخدته في حياتي، ويمكن يكون أهم خبر خدته في حياتي، هو قرار الاعتزال، قررت أسيب المهنة اللي أنا بشتغلها".

أضافت: "يمكن القرار ده ما أخدتهوش امبارح يعني، أخدته من فترة كبيرة، أنا مطلعتش أقولكم الخبر ده، لإني كنت حابة أتكلم مع نفسي ومع الناس القريبة مني جدا، والناس دي دعمتني جدا لما قولتلهم القرار ده، وشجعوني جدا إني أعمل كده، أنا ببعد عن أكتر حاجة من أكتر من المغريات في الدنيا، اللي هي الشهرة، وهبعد عن الشهرة والأضواء والفنانين، اللي هي الناس بتقرب منها".وتابعت: "الفترة اللي فاتت قربت من ربنا جدا، ولقيت القرآن بيقولي إني لازم أكون ملتزمة، لازم أكون على قد ما أقدر أكون ملتزمة".زيزي عادل من مواليد 26 أكتوبر 1987، بدأت حياتها المهنية عقب تخرجها من معهد الموسيقى العربية، حيث كانت بدايتها الفنية مع برنامج المسابقات "ستار أكاديمي"، ونجحت بإثبات موهبتها في وقت قصير، ثم انضمت إلى شركة روتانا وأصدرت أول ألبوماتها بعنوان "واحدة طيبة" وحققت نجاحًا طيبًا، ثم أصدرت ألبومها الثاني "وعد عليا"، وقد صوّرت العديد من الأغاني المصورة التي لاقت استحسان جمهورها