كركبة 

كتبت_ منى عبد الفتاح 

أوقات كتير بنبقى تعبنا من كتر المناهدة بتبقى خلاص طاقتك خلصت مش قادر بجد اتوجعت كتير دموعك مش قادرة تنزل بتبكي من جواك.... صوت الأه بتوجعك ومش قادر تخرجها جواك كركبة ودوشة اصوات كتير بتتصارع جواك كل لحظة بتعدي عليك وكل ثانية بتموت من جواك الف مرة بدوس على نفسك عشان غيرك بتخبي ألمك جواك بتحاول تقفل عليه باب ورا باب احساسك بالغربة وسط الزحمة احساسك ان صوتك مش قادر يخرج الكسرة والحزن بيتغلب عليك احساسك بان روحك بتخرج في اليوم مليون مرة احساسك بتقل على صدرك مش قادر تاخد نفسك احساسك انك بطئت تنطفي وان روحك الحلوة بدأت تذوب فين التفاؤل؟؟؟ فين مصدر الأمل؟؟ لما حد يقولك مالك انت كنت بالنسبة لينا حياة كنا بنتولد من جديد معاك كنت البسمة الحلوة اللي في حياتنا كل دا راح فين؟؟؟ ضاع اختفى عارف ليه عشان جيت على نفسك بزيادة نسيت انك ليك حق انك لازم تعيش لازم تاخد موقف مش كل مرة فواصل ونكمل بعدها لازم نقطة ونبدأ من أول السطر او نقلب الصفحة ونبدأ بداية صفحة جديدة...ارسم لوحة جديدة استخدم الوان فيها بهجة ونشاط بلاش الاسود والرمادي بلاش القلم الرصاص بلاش تبص وراك دايما بص ادامك.... اوعى تبص تحت رجلك بص فوق دايما سيبك من كل اللي فات ابدأ بداية صح ......