الرزق مكتوب لك لا مفر منه (خواطر) بقلم - محجوب عمر

● من تجليات وبركات شهر رمضان الكريم

هذا الكلام في الاسبوع الثاني من رمضان ..

كنت في مجلس علم بعد صلاة العصر بمسجد السيدة نفيسة رضي الله عنها

والشيخ يفسر آية " وَاللَّهُ خَيْرُ الرَّازِقِينَ " في هذه الجلسة قام أحد الاخوة وحكي قصة

إنه اتجوز واحدة عندها 30 سنة، و قال : انا لقيت فيها كل حاجة يتمناها أي حد، أنا بستغرب ازاي محدش خد بالهُ منها طول السنين دي ؟! قام رد عليه الشيخ الجليل

وقال:

" علشان ده رزقك .. غيرك اتعمى عنها "

● ساعتها افتكرت آية في سورة القصص عن سيدنا موسى عليه السلام بتقول :

" وَحَرَّمْنَا عَلَيْهِ الْمَرَاضِعَ مِن قَبْلُ "

●سيدنا موسى عليه السلام أتحرم عليه كل المراضع علشان رزقهُ مع واحدة تانية مع إن من الظاهر من الحدث إنه صعب جدًا يوصلها، لكن رب العالمين شاء إنه يوصله لأمهُ و ياخد رزقه منها، و كأنه حفظه له لغاية ما يرجع لها مع إنه كان أمامه أكتر من بديل عنها و يأدوا نفس الحاجة، لكن الرزق ..

●الحكمة والموعظة هي :

رزقك هيوصلك مهما شوفت إنها مش بتصيب، أو إن كل مرة السكة بتتقفل ، شبكة توصيل الأرزاق مليانة ممرات سرية بتوصل الأرزاق بشكل عقلك مش هيتوقعه !

● رزقك بيدّبر لك أحسن تدبير طول ما أنت راضي ومتوكل علي ربنا مهما شوفتها ضلمة. وخلي الجملة دي دايما في بالك ..

{ أخفى الله عنهم جمال روحك ليفوز بك الأجدر }

------------------------------------------------------------------

أبو خالد ...