النني يكشف تفاصيل عناء والدته بسبب ”تدريبات الأهلي”
تحدث محمد النني المحترف بصفوف أرسنال الإنجليزي عن فضل والدته عليه، مشددا على أن من يُكرم أهله دائما ينال التوفيق من الله.
وقال النني في تصريحاته عبر برنامج الريمونتادا على قناة المحور: "لو جبت الدنيا كلها لأبويا مش هقدر أوفي اللي عمله عشاني، عمري ما شفت حد بيبع أهله وربنا بيكرمه بالعكس، لو علاقتك كويسة بأهلك ربنا هيوفقك في كل حاجة"
أضاف: "أمي كانت أعظم إنسانة في الدنيا، وكنت بتمشى أنا وأمي في الشارع وأنا صغير عشان مكنش معانا فلوس نركب، وكان طلعان عينها عليا وعلى إخواتي"
وختم حديثه قائلا: "مكانش معانا فلوس إن إحنا نركب مكروباصات لازم نركب قطر كنت باجي تمرين الأهلي 3 أيام في الأسبوع من المحلة لازم نركب قطر الساعة 7 الصبح، وكان عندي 6 سنين، أمي كانت بتصحى الفجر تحضر اللبس والأكل، كانت بتمشي معايا في طريق مفيش شاب يقدر يمشي فيه لوحده".
