حب البنات

بقلم - أشرف عبد الكريم

حلفت إني أبطل

أحب البنات

وأمسح صورهم

من الذكريات ..

وأنسى تهاني

وسوسو وأماني

وأنهي علاقتي

بكل اللي فات ..

وأهرب بجلدي

واقول يالله نفسي

وألغي مشاعري

وقلبي اللي مات ..

كفاية اني قادر

وع الغدر صابر

ده فيهم محاور

لكل الصفات ..

في واحدة تحب

تاخد هدايا

والتانية بتعشق

تبص ف مرايا ..

وواحدة بتفرض

عليك الوصايا

وتخلع رجولتك

وتلبس عبايا ..

وتفضل معاها

وتعشق هواها

وهي دواها

ف دفتر شيكات ..

وتحتار ما بينهم

وتصبح زبونهم

لانك فاكرهم

ولاد الذوات ..

وتسأل عليهم

وتعرف ماضيهم

وفجأة تلاقيهم

جروب سيارات ..