اتمنيتك
بقلم.احمد حسن
مش عارف اتكلم وياكي
ولا عارف اقابلك ولا اشوفك
والقلب اللي بنظرة هواكي
محتار بين عطفك وكسوفك
.
واخداني الدنيا ومشاغلها
تعباني ودبت في مشاكلها
باضحك و باحاول اجملها
وبادوب بين شعرك وحروفك
.
مين غيرك يمسح احزاني
وانتي اللي ماليش غيرك تاني
دانا كل مشاعري و الحاني
بتغني .... وتشكر معروفك
.
اوعي تفكري اني نسيتك
دانا حتي ف حلمي اتمنيتك
ف ياريتك تتهني ياريتك
وتشيلي ظنونك او خوفك
.........................
احمد حسن عمر
