تحيا مصر ”
بقلم / ايمان زكي ابو العزم
تحيا الرجال المخلصين
الصادقين المؤمنين
وحلفوا والله ميت يمين
لنزرع جنة في ارضنا
نسقيها من عرق الرجال
ارويها يلا قوم ياخال
دي مصر قادرة تشيل جبال
والحارس هو ربنا
دمي في وريدي بيجري شوف
مطبوع فيه اسمك بالحروف
وتعالى شوف معايا شوف
دي مصر عزة وربنا
يالي بتتمنوا الخضوع
مصر في القلب والضلوع
أرض محمد واليسوع
وما ننهزم في ارضنا
الله حامينا للخلود
ومصر قادرة ع الصمود
رجالها واقفه ع الحدود
والحامي هو ربنا
رجاله وأتحدت بقلب
عشان إيمانها ليها رب
وهو واقف جمبنا
وزعيمها بيضحي بقلب
وهناك عيونه علي المصب
بينادي وبيقول يارب
احنا فداها كلنا
مش بس بلده هي همه
ده وطن كبير يفديه بدمه
والكل عارف اننا
مصر مفيهاش بس جيش
ده شعب وقت الجد سيف
واقفين في ضهرك كلنا
اللي يعادينا ويفكر يشوف
قلب الزعيم ميعرفش خوف
والحامي هو ربنا
مصر ياحره يا ابيه
انا روحي لترابك هدية
والكل شاهد اننا
كلمة وليها الف معنى
والكل عارف. وسامعنا
مصر حارسها ربنا
مصر حارسها ربنا
