بيت العيله
بقلم -أميرة عبدالعظيم
يابيت العيله
فين عنوانك
أنا توهت ..ولا
إدهمت جدرانك
ولا الزمن غير
لون حيطانك
ليه إنطفت أنوارك
راحوا فين سكانك
كل الحبايب
هجروا مكانك
القعده بيهم
كانت بتحلى
الشاى معاهم
كان طعمه أحلى
حتى قهوتهم
كانت زيادة
كلامهم كان
يحللى أي ساده
لكن ياساده فى
فى حد يعرف عنوانه
أمى وأبويا
كانوا كل نوره
وهما برده
زينة حيطانه
لما سابوه توهت أنا
وضاع عنوانه
يابيت العيله
أحبابنا خلو بينا
وتوهنا وتاهت أيامينا ياأهل الديار وحشتونا
كل الكلام خلص منا لما روحتم وفتونا
وتهنا عن البيت
لما إنطفى نوركم
وراحت ألوان حيطانكم
ياهل الديار والله وحشتونا
خليتو الدار وفتونا
والدار خلا بينا
وتاه عنا وتوهنا
روحتم وراح الدار
وتاه عنا عنوانه
يابيت العيله
فين راح مكانك
وناسك وخلناك
رثاء منى لذكرى أمى
وأبى فمن يقرأ
أسئله
خير الدعاء
