الناس الحلوه رزق

كتب عادل محمود.
حلوة كلمة " ما بزعلش منك " بس الأحلى منها " مايهونش عليا زعلك " ..حلوة العلاقات الرايحة جاية ..اللي فيها الناس بياخدوا و يدوا .. بيخافوا على بعض .. مايهونش عليهم زعل بعض ..بيراضوا بعض ..بيطبطبوا على بعض .. بيطمنوا بعض ..بيسندوا بعض
حلوة العلاقات الواضحه !!
حلوة العلاقات المنورة ..اللي تزود ما تنقَصش ..اللي تخليك تبتسم ..تخليك مرتاح ..على راحتك و على طبيعتك.. بتتقبلك زي ما انت ..حلوه الناس آل بتدفيك بحبها ..حلوه الناس اللي تتسند عليهم و انت متأكد انهم مش هيخذلوك..
حلوه الإخوات اللي دايما في ضهر بعض ..حلوه الزمايل و الصحاب و القرايب اللي تطمن لوجودهم و ماتخافش من غدرهم ..دوروا على الناس الحلوة و امسكوا فيهم ... بلاش يهونوا عليكم ..ماتخليهومش يندموا على طيبتهم و حبهم ليكم .."الناس الحلوه رزق "