مشكلتى بإختصار!!
كتبت/ـ...هبــــة اللّـه يوسف محمود سند
كان كل مشكلتى فى حياتى بإختصار اهتمام ..
إحساسي بمكانى وسط أهلى وإحترام ..
حب صافى ليا يحسسني بأمان ..
وطلعت بحلم حلم آخره مش تمام ...
أخره وجعى .. أخره خوفى ..
أخره خذلان من محيطى يهد جوفى..
أخره دمعه حزن تنزل م الألم ..
ضحكه زايفه فى وش مع حزن وشجن ...
قالو فاقت مالأحلام على كسر وجع ..
قولت شيلو بقايا قلبى اللى إتخلع...
* يوم ماقالوا دى مش تمام ...
* قولت لأ تعظيم سلام...
تعظيم سلام .. كل إحترام ..
ع اللي رويت أرضه حب بعشمى فيه ..
وحصدت زرعه مش تمام..
مرويه بدموعى ...
مرويه بشقايا ووجعى مكسيه بضلوعى.
يوم ماقالو العلم ييجى م الألم ..
قولت العلام فى الجسم علم وبألم .
وحلفت لأصحى لنفسى ومن أحلامى أفوق ..
مايهمنيش مين عاش ومين هيموت ..
المهم أرجع لنفسي وقلبى اللى ادفن ...
من حب ناس جاحده تبيع برخص التمن ..
وبكره أهه بينا السنين هاتدور ...
وهنشوف مين فيكوا عليه الدور ..
يومها إفتكرونى وإفتكروا الملامح ،
يوم ماكنت هبله وبصدق وآمن ..
قولوا ده ذنب واحده كانت زمان ..
كان نفسها فى أبسط حقوقها إهتمام ..
عيشه حلوه وسط أهلها وإحترام ..
حب ليها يحسسها بأمان.
