ليه كل الحاجات

مع اول يوم وتنهيدة بتطلع يارب اليوم يخلص
اقعد وارجع راسي لورا افتكر صاحب مخلص
الزمن بعدنا
او صديقة تتصل تسأل عامل ايه وفينك
مختفي بقالك فترة
تفاصيل بنعرفها بالقطرة
ومش باين
يا علي الزمن الخاين
اللي بيودينا هنا وهناك
ومحدش بقا معاك

مسؤلياتك كترت
وشعرك ابيض
سكر ابيض مخفي في الفنجان
شئ أشبه بدون عنوان
بترجع لنفس الروتين متغيرش
ترجع بيتك تنسا همومك تلاقيها بتزيد
وتقول
نفسي ارجع صغير مابين صحابي وجراني
ارجع من تاني مش وحداني

مش شايل مسؤلية
مع ندهة امي خد يابني طبق الملوخية
حطو علي التربيزة ومتنساش العيش
وقعدتي مع صحابي مع علي القهوة
وتفاهتنا علي مين ياخد الباقي
نقول خلاص بقشيش

يا علي زمن بيوديك ويجيبك في ثواني
ونفتكر حاجات متفصلة بكل الالوان
ليه حياتنا مكنتش زي الأفلام؟

بقلم الشاعر والكاتب: محمود ياسر.