حكايتك

انا بدايتك وبداية حكايتك .

وبداية حكايتك معايا هي ابتسامتك .

والحب الي ساكن في عنيك .

لما تشوف وشك في مرايتك .

انا اصلك وضلك والقلب الي آمنلك .

انا الراحة الي بتلاقيها وتخبيها حتي من نفسك..

انا لروحك امل ولقلبك سكن .

انا الي بتلاقيها اول ماتحس انك محتاج نفس .

انا الي بحبك من غير ليه .

انا الي بحكي من غير كلام لعنيك .

انا الي بسهرلك وادعي ربي يكون

جنبك.

انا الي مش محتاجة سؤال منك قد مابسأل عنك.

انا الي بتندهلها بقلبك في ثانية تكون حدك .

انا الي بحس من غير ما تحكي بوجعك .

انا الي بشوف السعادة لما الدنيا تضحكلك .

انا الي بحب نفسي لما بحل مشاكلك .

بحلها من بعيد وفي ضهرك .

انا الي بدافع عنك في حضرتك وغيبتك .

الي صايناك في حياتك واتمني اموت قبلك .

انا الي بتشوفها ضعيفة في يدك .

ووقت ماتلاقي عدو ليك بتكون جيشك .

انا الي وعدتك اكون دنيتك وسعادتك .

ولا عمري كنت لحد قبلك ولا هكون لحد بعدك .

انا الي جواك والي حواليك والي بتحبك.