حبة كراكيب

شيلتهم قولت يمكن يوم يشيلوا بعض .

اتحملت لغاية ما الكراكيب حبوا بعض .

واختاروا ضهري بيت وأرض .

ولاقيتهم مغناطيس بيشدوا الي بيمر.

وما خدوش بالهم من كتر الحمل والمر .

ولا لاحظوا أن ضهري ابتدي يكل .

وفضلوا يكتروا كل يوم عن الي قابله
ولا راعوا السن .

ولما حاولت بس اقول أن الوجع حل.

لاقيتهم اتحدوا وجروني جر.

ومسكوا في أيد بعضيهم كأن ضهري ده بقي ليهم وطن.

وللاسف لاقيت الي حواليا بيقولوا لسة فاكرة تشتكي وتمل.

مانتي خلاص اتعودتي أهدي واسكتي .

ده بنوا حياتهم ع ضهرك وانتي جدعة تعرفي تتودكي .

حاولت أمحيهم واحدة ورا واحدة بايدي .

لاقيت طعناتهم لحد وريدي .

ودمي سال وما سمعوا آهات تعذيبي .

عافرت وقولت مش بيتكم انت نسيتم اني انا اخدت بأيدكم .

ولاقيتهم كمان ماكفي ليهم ضهري بيت .

راحوا كملوا فوق راسي لحد شعري مابقي شيب .

مش هقدر احارب لوحدي ده ضهري انكسر من كتر شيلته .

والحمل فوق راسي من تقله سيبته.