ابني حبيبي

 
بقلم /محمد فاروق
أنا شايلك جوه نن العين
كبرت شوية بشوية وأنا بكبر مع الأيام
ولما كبرت لقيتك كإنى أنا بالظبط
شكلك حركاتك مشيتك أشوفك كإني فى المرايا ببص
أشوفك أشوف نفسي وأنا صغير
ده حتى فى الصلاة واقف وقفتى
بس شوية متغير
شوية بتدعى بحاجات مبقتش بقولها فى دعايا
ولما تنهي بالتسليم أنا أدعي وربى كريم
حبيبي يحرسك يا ابني وتفضل جنبي طول العمر
ما إنت فرحتى وأملى وإنت أغلى ما عندى
حبيبي كبرت أنا عارف حاجات عنى تخبيها
حاجات سهلة وبسيطة شايف دنيتك فيها
وأنا يا ابنى بقول فى حاجات . . بقول فى آهات
بقول إني أنا كبرت وجريت بيا أيامي
وخلاص دنيتي فاتت وخلصت كل أحلامي
ولا حاجة بقت صعبة الدنيا سهلة وبسيطة
ما دام انت مع اخواتك
رضا ربك . . اهم حاجة فى حياتك
هكون مبسوط وبدعي لك
وبعد ما اموت هتدعيليى أنا عارف ما فى يوم هتنساني
وعارف انك بتشبهني وأنا بدعى لأحبابي وبدعى لكل أمواتي