الفرق كبير

بقلم - وسام خاطر

فكر كويس وأتأني في قرارتك. إياك تيجي علي نفسك، أوعي تكسر أحلامك. أوقات بيكون السكوت نضوج بأفكارنا وحياتنا. الفرق كبير بين الصبر والتأقلم. في ناس بتشوف سكتنا قلة حيلة وناس تانية بتشوفه تأقلم وناس تالتة بتشوفه صبر. والفرق كبير بين التلاتة. الأول بيكون كسرة وضعف. والتاني بيكون لا مبلاه. أما التالت بيكون ثقة كبيرة جدا في تدبير الخالق سبحانه وتعالى. أنك تصبر وماتبينش وتتعامل وماتتكسر وتضحك وجواك بيبكي. ده بقي قمة القوة والتحدي للظروف والمواقف بتقف وش الريح وماتسلمش لأنك واثق بالله. دا اللي فينا عنده واسطة بيكون مش هامه حد. مابالك وسطتك تكون ربنا. أرموا حمولكم علي الخالق هايدبر الأمر بأفضل ما تتخيلوا. ثقوا ثقة عمياء. وتوكلوا عليه خير توكل هاتتبهروا بتدبيره. أوقات ظاهر الأمور بيخذلنا لكن باطنها بيكون رحمة. وعسي أن تحبوا شيئاً وهو كرهاً لكم وعسي أن تكرهوا شيء وهو خيراً لكم.