بالصور… تصرف إنساني من أحمد أبو هشيمة يثير الإعجاب

بدأت القصة من يومين واحد قابل الراجل دا بيعيط ف الشارع و ماسك الCV بتاعه عشان مش لاقي شغل و الشركات كلها رفضاه عشان سنه كبير و للاسف هو مسئول عن مصاريف أهل بيته كلهم و كان مكسوف يروح البيت يقولهم انه فشل يلاقي شغل

ف واحد ابن حلال شافه و كتب بوست عَلِي فيسبوك عنه .. و البوست فضل ينتشر لحد مارجل الأعمال أحمدابو هشيمه شافه عن طريق ان شباب كتير بعتته ليه و عملتله منشن .. ف هو طلب يقابله و انهارده أتوظف في شركته ..

الراجل ربنا فرجها عليه ب ابسط الطرق و من الباب الكبير بعد ما كان قرب ييأس

و تصرف محترم من أحمد  ابو هشيمه انه جبر  بخاطر هذا الشخص ومد يد المساعدة لة وقد نال هذا التصرف من أبو هشيمة أعجاب رواد مواقع التواصل الأعجابى

وقال رجل الأعمال أحمد أبو هشيمة  :أنا كنت واخد قرار محدش يتوظف معايا بالواسطة.. بس الأستاذ يوسف اتوسطله اكتر من نص مصر.. لقيت شباب كتير بيكلموني بيقلولي إحنا محتاجين شغل بس وظف الأستاذ يوسف هو أولى مننا.. والنهاردة قابلته ولقيته كله شباب وحيوية وزي الفل.. وبطمن كل الناس اللي كلمتني عليه هو اشتغل خلاص معايا وربنا يجعلكم دايما سبب للخير.