مات الكلام .. للشاعر / أشرف عبد الكريم

بسرعة ليه خلص الكلام

والقلم قال اللي عنده

دنا قلبي دايب في الغرام

حرام عليك تكتب نهايته ..

ورقة وقلم تشهد عليك

في كل كلمة كتبتها

راح بس فين كلام عنيك

ولا خلاص راح وانتهى ..

عادي خلاص !

إنسى يا قلبي اللي قريته

عادي خلاص !

ماهو دا اللي جرحك ودويته ..

بقى هو دا كان حبنا

بقى دا اللي قولناه لبعضنا

هو الغرام بالشكلدة

خلتني اكره اشوف عنيك ..

ورقة وقلم تشهد عليك

في كل كلمة كتبتها

راح بس فين كلام عنيك

ولا خلاص راح وانتهى ..