حدوتة إسكندرانية .. بقلم الشاعر / أشرف عبد الكريم

أنا بنت إسكندرية

حلوة ومدلعة ....

بيقولو الناس عليا

بجمالها مولعة ...

لو بس يروحو ليها

ويشوفو جمال عنيها

هيغنو معايا ليها

ويدوبو في حبها ..

********

ياسكندرية أنا عشقاكي

وعاشقة بحرك وهواكي

أيووه بحبك من قلبي

وبحب رملك وسماكي .

********

في عنيا الموجة باينة

وهواكي نسايمه طايرة

وف بحرك أحلى ميه

وخداني في حضنها

*********

ووقفتي في التراسينا

شايفة المراكب في المينا

واحنا على كوبري استانلي

والنور منور حوالينا .

*********

ماشيا على شط ميامي

ع الرمل نكتب في أسامي

وقعدتي على بير مسعود

وذكريات بتعود تاني .

*********

وعن بيلاج المعمورة

البومي فيه مليون صورة

ولما بنزل في العجمي

بشوف هناك ناس مشهورة

*********

وذكرياتنا في طفولتنا

حدوته كبرت في حارتنا

وهي دي حكايتي معاها

بنت جميلة وعشقاها

..... بنت اسكندرية ......