بعتذرلك . . بقلم / الشاعر أشرف عبدالكريم

بعتذرلك أن قلبي
جه في نص السكة خان
وانتي عايشة زي مانتي
قلب مليان بالحنان
انتي نجمة في السما
نورها ساطع للجميع
لكن أطلع مين أنا
ورقة دبلانه فربيع
صدقيني دي الحقيقة
كنت ليكي بألف وش
وانتي طول عمرك بريئة
قلب مش ممكن يغش
بس والله ندمان
عاللي عدى واللي كان
كنتي زي النسمة طايرة
وانخدعتي من جبان
غلطة انك حبتيني
والحب مش كلمة ومظاهر
كنتي لازم تعرفيني
قلب خالي من المشاعر
...... بعتذرلك .........