جريدة أنباء اليوم المصرية تحكي لنا قصة كفاح و نجاح علي محمد أحمد لاشين
النجاح هو وصول الإنسان للهدف الذي يطمح للوصول إليه طوال حياته، وذلك عن طريق السعي المستمر، والمثابرة، والعمل المجتهد، ونتيجة لهذا النجاح تصل إلى أن تعيش حياتك بطريقة تهبك الشعور بالكثير من السعادة، والقليل جداً من الألم، وذلك يدفعك للمزيد من التقدم، والنجاح، والفوز بكل إنجاز يفتخر به صاحبه، و يرضى به، ولا ننسى أنّ النجاح كوكب صعب المنال، يصعد إليه بصاروخ الهمّة، مع تزويدِ المركبة بوقودِ الدّعاء، فببذل الهمة، يتمّ بلوغ القمة، أمّا الطموح هو الطاقة الروحية في حياة الإنسان، وأساس النجاح، وهو الخطة العقلية التي تنظم حياتنا، والتي تدفعنا نحو المستقبل، ولا قيمة لوجود الإنسان إن لم يكن طموحاً حالماً وكان لجريدة انباء اليوم المصرية حوار مع الاستاذ علي محمد أحمد لاشين
عرفنا اكتر عن نفسك
اسمي علي محمد احمد لاشين مواليد سنه 1989 مسقط راسي محافظه المنوفيه مدينه شبين الكوم
ما الخامات المستخدمة فى عملك؟
احنا مؤسسه خدميه عباره عن مجموعه ثلاجات كبيره قائمه للتخزين اي مواد غذائيه لجميع الشركات بس احنا متخصصين الحمد لله طبعا في تخزين البطاطس اللي بتتعمل شيبسي للشركات زي سنيوريتا
من اكثر شخص دعمك في مشوراك
اكتر شخص دعمني علي المستوي المهني والمستوى الفكري طبعا رجل الاعمال الاسطوري مهندس السيد محمد بسيوني الشخص داه علي مستوي محافظتي شبين الكوم خاصتا ومدينتي نقلها وطفره كبيره جدا بالاستثمار العقاري علي أرض الواقع
بالنسبه لشغلي المؤسس الاول في الاستثمار العقاري ربنا يجعله في حسناته ويرحمه فداه اكتر شخص علي مستوي مهني علي المستوي الإنساني المعنوي والدي ووالدتي
طبعا طول الوقت دعواتهم كانت خير سند ليه اخواتي ربنا يحفظهم. دايما كانوا في ظهري دائما حواليا بروحهم الجميله ودعمهم المعنوي ليه ومش ليه اصدقاء مفيش غير
صديق واحد اعرفه الاستاذ رامي عوكل بقالي ٣٠سنه داه كنت بشوف في عينه ومصدق اني هوصل وهنجح وهوصل وربنا هيكرمني وهحقق احلامي
ماهي الصعوبات التي واجهتك في طريقك لنجاح
هي خطر جدا لو حصل عطل في عنبر وفيه بضاعه مثلا كباس الملف بتاعه اتحرق أو مراوح داخل العنبر أو خارج نطر نغيرها أو حصل فيها عطل نصلحها اكباس تعطل نصلحها أو نغيرها أو الدائره الكهربائيه تعطل أو تحتاج تتغير أو دأئره الكنترول يتعطل لازم يكون الحل سريع معاك من ٤...٦ساعات لازم اي عطل يكون اتصلح والعنبر قبل ما يشتغل تكون متاكد أنه اشتغل بكفاءه ١٠٠/١٠٠
نصيحه لمن يريد العمل في المجال
اول نصيحه أنصحها لااي حد هيدخل المجال بتاعنا انخلي عن الرفاهيه طول الموسم لاانك مش هتعرف تبقي زاي الناس مش هتعيد مش هتعرف تشوف بيتك كل يوم او اولادك طول اليوم مدار الموسم كله طول السنه ان وقتك كله لشغلك فقط ومش تعتمد علي اي حد ومش تخلي المهندس يحل موضوع او اي شخص ياخد مكاني لوقت معين عمر مامنشاتك هتكون بالقوه زاي ماكانت تكون فيها
وعلي الصعيد الشخصي اقول حاجه أنا بالموسم2002 والدي توفي واحنا بالعزاء كلموني علي شان عنبر عطلان وفيه 450طن بطاطس سبت العزاب واتحركت لمكان شغلي معنديش حل تاني ومره تانيه في 20022 بنتي كانت بتعمل عمليه ومش عرفت اروح معاهم واخواتي ربنا يبارك فيهم هما راحوا معاها وطمنوني عليها في المستشفي واتواصلوا معايه وطمنوني عليها للاسف اللي يدخل المجال داه وقته صعب جدا لانه ملتصق بمال الناس انت مش شغال بفلوسك انت شغال بفلوس الناس امانه ولازم تكون قد الامانه لاان موسم واحد يطيح بيك خسارته مش ليها قومه يعني الموضوع صعب وكبير انت مش هتخزن كميات قليله أو ارقام قليله يعني ممكن بضاعه بمليون أو ٥٠٠مليون أو ١٠٠مليون رقم لا يستهان بيه نهائي
نفسك توصلي لفين في المستقبل
لو هنتكلم عن المستقبل نفسي جدا ربنا يكرمنا أن شاء الله ونكون اكبر غرف تبريد علي مستوي جمهورية مصر العربية لا نفسي نكون علي مستوي الشرق الأوسط كله طبعا عارف ان داه حلم مستحيل بس مفيش حاجه كبيره علي ربنا إنا علي يقين تام أن لكل مجتهد نصيب لو ربنا مش رائد توصل لحلم اكيد ربنا يعوضك في مكان تاني بس انت بتعمل اللي عليك وبتجتهد وان شاء الله ربنا هيحقق الممكن يعني مش تقفل طموحك واجتهد وارمي حمولك علي الله
كلمه لجريدة و الصحفيه
جريده انباء اليوم أنا يشوفها بالمجتمع والشارع موجوده بصوره كبيره في مجتمعنا دائما حصرين الاخبار المهمه دائما مش بينسوا الاشبال الصغيره قبل الكبيره شهاده بجد بالرغم من انتشار السوشل ميدا وانتشار الانتر نت حتي النهارده جريده ثابته في الشارع وعلي ارض الواقع ويارب دايما نشوفها في حياتنا ونشوفها في احسن حاجه يارب دكتوره وفاء خروبه شهادتي فيها مجروحه جدا لو هتكلم فيها علي المستوي المهني فهي قيمه وقامه فهي مثال للمراه المصريه في الاجتهاد ويارب تكون دائما مثال ناجح وقدوه يحتزي بيها اولادنا وهتكلم عليها علي المستوي الشخصي شخص محب للفرح للناس كلها بدون استثناء شخص تلاقيه موجود في أوقات الحزن يساندك ويطبطب عليك مش بتترتجع ابدا علي اي مساعده ليك شخص جميل جدا علي المستوي الإنساني خساره انك عشت عمرك ومش قابلت شخص زاي يعني وربنا يارب يجعلها في نجاح لنجاح وتحقق كل اللي نفسها فيه يارب امين
