تحذيرات من تقلبات جوية حاده غداً الأربعاء ٢٠٢٥/٤/٣٠

تتأثر مصر بمنخفض جوي يوم الاربعاء والخميس ( أكتر ما يميزه نشاط الرياح القوي والأتربة ).

هتنخفض الحرارة يوم الاربعاء والخميس مع نشاط قوي للرياح على النص الشمالي بالكامل وحتى وسط الصعيد وسيناء ، يوم الأربعاء المنخفض هيكون تركيزه على المنطقة الغربية ( مرسى مطروح والصحراء الغربية ) ومع تقدم فترات اليوم هيتجه المنخفض ناحية الدلتا والسواحل الشمالية ، ويوم الخميس هيتمركز المنخفض على المناطق الشرقية على السويس وسيناء والسواحل الشرقية.

هبات الرياح هتكون قوية ومعاها أتربة والجو هيصفر ويحجب اشعة الشمس ( بس مفيش صهد ولا خنقة خلى بالك من النقطة دي قوي ) ، بس لازم تعمل حسابك ان الهوا هيكون جامد ، شيل بقة أى حاجة تطير أو أى حاجة هتبوظ لإن الهوا هيكون عاصف ، محدش يمشي تحت بيوت قديمة او لوحات او اى حاجة معرضة للسقوط .

تتساقط الامطار يوم الاربعاء والخميس على النص الشمالي والقاهرة وشمال الصعيد وسيناء ( هتتمركز يوم الاربعاء على المنطقة الغربية اكتر والخميس على الشرقية اكتر ) ، هتكون مصحوبة بالبرق والرعد ⛈ ، وتحذير لمنطقة مطروح بالأخص لإن كمية الأمطار هتكون كبيرة لدرجة السيول .

فيه منخفض جوي جديد اول الاسبوع هيكون فيه امطار على السواحل الشمالية والدلتا واستمرار الانخفاض في درجات الحرارة.

محدش يصيف ، الجو لسة ما زال فيه برودة لحد اول اسبوع من شهر 5 على الاقل.