أشرف عبد الكريم يكتب .. معاناة شاعر

وعدى العمر قدامي

كأنه شعاع

لنا حققت أحلامي

ولا حتى فضلت بتاع ..

مجرد حاجة ليها لأزمة

بتلبس بدلة على جزمة

تشوفني الناس تقول فنان

وانا عايش في ميت أزمة ..

وليه وعلى ايه حاسدني

وانا اللي الهم بهدلني

وظهر الشيب على جبيني

ومش لاقي اللي يسندني ..

صحيح بيقولوا انا شاعر

وقلمي في الكلام ماهر

لكن الضيقة خنقاني

ودمعي في العيون ظاهر ..

خلاص مابقيتش بتكلم

لكن عايش وبتألم

من الدنيا اللي سيقاني

لسكة طريقها بيضلم ..

بلملم جرحي بايديا

واقول الفرحة اهي جاية

وبدعي يارب إعطيني

وداوي كل ما فيا ..

واديني صابر على الأيام

واقول بكرة هتبقى تمام

واخاف بكرة يجيب بعده

وابقى في دايرة الأوهام ..

دي دايرة كبيرة مقفولة

بتشبه أرض محفورة

ولفة عليا ضفايرها

كإنها أمنا الغولة ..

يارب العرش قويني

ومن أعدائي نجيني

واملا قلبي بالإيمان

وحلي الدنيا في عيني ..

ومن قلبي بدق الباب

وصية بقولها للأحباب

بلاش تنادوني بالفنان

أنا شاعر بدون ألقاب ..

................................