لعشاق المخبوزات .. إليكم طريقة عمل بسكويت اليانسون
المكونات
٢ بيضه معلقتين لبن بودرة نص معلقه صغيرة ملح ٢ ونص كوب دقيق كيس فانيليا كيس بيكنج بودر علبه زبادى معلقتين ينسون مطحون نص كوبايه سكر ناعم كوب الا ربع زيت سمسم ل تزين الوش ......
الطريقه
بحط الزيت والسكر والملح والبودر والفانيليا والبيض والزبادى واضربهم اوى بمضرب السلك اليدوى ...
بنزل عليهم بالدقيق والينسون واقلب مش هعجن مش هعجن مش هعجن هقلب بس لغايه ماتلاقي العجين مش بيلزق في ايدك يبقي كدا تمام....
فردت العجينه وابتديت اقطعها بأى شكل ولادى يحبوة ودخلت فرن درجه حرارة ١٨٠ والع من تحت بس لغايه مايحمر وبس كدا بالف هنا ..
ملحوظه
الينسون لما تطحنيه حمصيه الاول وماتنعميهوش ..
والافضل تسيبيه بحاله بس انا طحنته علشان ولادى ...
السمسم حطيه على البسكوت قبل ماتدخليه الفرن ..
وانتى بتفردى العجينه ماتخليهلش سميكه لان البيكنح بودر هيخليها تفنش ...
ماتحطيش اى مادة دهنيه خالص في الصنيه...
بسوى في صنيه الومونيوم لان التيفال ديما بيلسع المخبوزات من تحت ..
